Me er over halvveges i månaden, så då er det verkeleg på tide med ei sokkeoppdatering.
Månaden begynte bra. Pinnane gjekk så det suste og par etter par (alt er relativt) vart påbegynte/ferdige. Litt etter litt dabba sokkestrikkelysta av og no er ho heilt vekke. Typisk rett før jul. Til gjengjeld er eg inne i ein god UFO-stim, noko som er høgst uvanleg, så eg bør vel ikkje klaga for høgt. Til no har eg fått ferdig to store og snart ein litt mindre.
Vel, over til sokkane. Først ferdig var konkurransesokkane.
Mønster: frå Bittami. Første sokk i Norsk sokkedilla.
Garn: Sisu frå Sandnes. Det gjekk med rett under to nøster.
Pinne: 2,5 mm.
Størrelse: ein plass mellom 39 og 40.
Neste par er SKA-sokkane for september.
Mønster: Nell. Det ligg som gratismønster på Ravelry. Greit mønster, men det vart liksom litt for holete til å vera sokkar.
Garn: PT5. Det gjekk med litt over to nøster.
Pinne: 2,5 mm. Ja, eg har sett lyset.
Størrelse: 39-40isj.
Fleire ferdige par har eg ikkje, men eg har ein haug med påbegynte.
Alle fem para manglar litt forskjellig, frå berre trådfesting til heile sokk nummer to.
God helg til deg som er innom!
6 kommentarer:
Du er nå ikke så langt unna å gjøre ferdig en DRØSS med sokker.) Kanskje vi ser noen nye ferdige i løpet av helga.)
Heia, heia, det er det med sokk nr to som er mitt aber
Mange flotte sokkar. Eg beundrar alle som brukar tid på sokkestrikking.
Imponerende sokkeproduksjon!
Du e flink! :)
Lite gult i bunken.. hmm.
Legg inn en kommentar