Den kjæraste

Makroobjektivet er favorittdingsen min. Eg kunne ha brukt heile dagen i hagen med nasen i graset og peikefingeren på utløysaren.

Skattejakt

To fantastisk flotte dukar som skal få plass på stovebordet heime i Bergen eller bli sydde om til putetrekk – litt usikker, men fine er dei i hvert fall!

To nydelege boksar også. Desse skal få hedersplassen på kjøkenbenken.

Opp og fram

I det siste har eg gått over frå sokkar til større klesplagg. Pebble fann eg på Ravelry. Fantastisk enkel oppskrift (på engelsk!) og resultatet vart særs vellukka. Denne er strikka i Schachenmayr nomotta Extra Merino Big på pinne nummer 4. Heilt ubeskriveleg herleg garn.

Nøstebarn si strømpebukse (utan fot). Strikka i NZ lammeuld frå favorittnettbutikken på pinne 3, om eg ikkje hugsar heilt feil. Holrad til strikk øverst, 1 rett og 1 vrang på heile buksa, bortsett frå vrangborda nederst, som er 2 rett, 2 vrang.

Dessutan har eg ein til Pebble og ein Little sisters dress som ventar på trådfesting og knappar. Så fort det er gjort vert resultatet bloggifisert!

Søtaste søte

I dag har me vore på tur til onkelen min sine lambilamb og den herlegaste hunden i heile verda!

Dessutan fann eg blomstrar der oppe også. Etter at eg starta gartnarkarrieren min har visst plantene teke over for strikkinga.

907

Årets 17. mai vart feira på fjelltur til Hesteggi. Halvveges oppe var det nydeleg utsikt over den finaste bygda på Vestlandet. Sol, snø på fjelltoppane, grøne fjellsider og blomstrande frukttre.

Det siste stykkjet gjekk me på snø – noko som sjølvsagt måtte dokumenterast.

Ein til og endå ein til

To nye gensarar er ferdige. Oppskrifta er framleis denne. Den grå og blå er strikka i NZ lammeuld og den oransje og raude i Schachenmayr nomotta extra merino big.

Hageliv

Det spirer og gror i hagen for tida.

I krukkehagen er det også liv, og snart kjem det forhåpentlegvis krydderplanter i gamle mais- og fiskebolleboksar.