Trekning

Litt seinare enn lova, men skulen sluker dessverre tida mi. Uansett, random.org hjalp meg og den heldige vart nummer 3, Guro! Send meg adressa di, så kjem det ein mjuk pakke i postkassa.

 Tusen takk for alle kommentarane! Eg set stor pris på kvar einaste éin.

Hipp, hipp hurra!

I går hadde bloggen bursdag - heile seks år er det sidan eg skreiv det første innlegget. Det må sjølvsagt feirast med gåver, bollar og brus! Og gåva tenkte eg du skulle få, sidan eg veit kva som er inni. Alt du må gjera er å leggja att ein kommentar under dette innlegget innan neste fredag (9. januar), så er du med i trekninga.

Biletet er henta her.

Og gåva er sjølvsagt mjuk. ;-)

Og vinnarane er …

… Mimouna, Guro, Innfall og Iden!

Sidan garnlageret mitt har okkupert så mykje av klesskapet mitt at eg ikkje får plass til verken sokkar eller vinterens ullklede, trakk eg like godt fire vinnarar, så krympar lageret forhåpentlegvis så mykje at eg kan få skvist inn litt av det som eigentleg skal vera i skapet.

Send meg adressene dykkar, så skal eg gå i garnlageret og finna passande premiar.

Konkurranse!

Teljaren min har passert over 1000 besøkande, og det må sjølvsagt feirast med ein liten konkurranse!
Skriv ein kommentar under dette innlegget innan neste søndag, altså den 25. oktober klokka 18.00, så trekkjer eg ein (eller kanskje to?) vinnar(ar) som får ein pakke i posten.

Fyr laus med kommentarar!