Endeleg er eg ferdig med mi første djevelhue. Merkeleg namn på ei søt hue, men det har vel sine grunnar. Sjølve strikkinga gjekk fort unna, men det tok nesten ein månad før hua fekk knyteband og såleis kunne kallast for FO. Mine band vart ujamne og stygge, så eg sette heklemamma på saken, og etter litt svisj og svosj med heklenåla var hua ferdig.
Eg likar det enklast mogleg, ikkje noko samansying, så eg brukte Gro si oppskrift, der hua er strikka rundt. 14 gram grå Idena Bambino Ull og 27 gram Dale Baby Ull (garnprodusentane skulle hatt seg eit orddelingskurs, forresten).
Tanken var at nabojenta på 1 år skulle få hua. Sidan eg hadde litt tynnare garn enn i oppskrifta, strikka eg hua i størrelse 2 år og rekna med at den då vart passeleg til ein eittåring. Så feil kan ein ta. Eg strikkar visst laust, for hua er ganske gigantisk. Vel, vel. Det er sikkert greitt å ha ei hue på lager til ho vert 5 år også.
2 kommentarer:
Luen ble fin den. Og den er sikkert grei til litt større barn også. Mine ble bittesmå, jeg strikker visst stramt.
Hua er kjempefin, er vel ikkje så nøye om ho er for stor, verre om ho var for lita...
Legg inn en kommentar