Vinter i Bergen er synonymt med regn og vind. Som oftast. I går var eit unntak. Då var det nemleg snø, sol og nydeleg vinterstemning. Det er så koseleg å gå ute, godt påkledd med vottar og ullklede, kjenne sola varme i ansiktet og høyre at det knirkar i kram snø under skoa. Sjå borna som leikar i akebakken og alle dei viktige mennene i dress og skinnhanskar som måkar fram dei store monsterbilane sine. På slike dagar lengtar eg heim. Vekk frå byen, blokkene og alle bilane og heim til det som verkeleg kan kallast natur. Då vil eg pakka sekken, spenna på meg skia og leggja ut mot Lingesete, Anestølen eller kanskje til og med Dueskarvarden, dersom motet er på topp.
Men sidan vinteren her er grå og trist, har eg bestemt meg for å friska opp inne. I går bar turen til IKEA, på handlelista stod FARGAR.
Handdukar, lys og tulipanar i nesten alle regnbogen sine fargar er no på plass, og eg merkar at det hjelp på humøret. Dessutan har eg påskeferien å sjå fram til. Då ber det heim til snødekte fjell, skiturar og mamma sin nykokte kakao.
7 kommentarer:
så glade farger du har valgt! til å bli i godt humør av.
Herlige farger! Skulle ønske jeg også hadde påsken å se fram imot med fjell og snø, men det blir nok ikke mulig å reise på fjellet når man har barn som har bursdag i påsken.
Nå får jeg rene vårsteminingen av alle de nydelige fargene dine, og de praktfulle tulipanene.
Herlige farger her inne! Blir i godt humør av sånne friske farger. Ha en god helg!
Er det meg det er bilde av?:D
Det er deg, ja.
Vakkert;)
Legg inn en kommentar