Sidan eg held på med garnslanking tok eg med meg litt garn frå lageret i by’n heim på sommarferie. Planen er at eg kun skal strikka med det (og det andre garnet eg har heime hjå opphavet) og ikkje kjøpa noko nytt i løpet av desse vekene.
Sokkar har vorte eit fast innslag under juletreet dei siste åra, difor tok eg med litt sokkegarn, så eg kan laga eit lite julepakkelager. Nøster med Mor Aase raggegarn (som er mitt nye favoritt-sokkegarn), Perfect (som fell lenger og lenger ned på lista) og Sterk skal forvandlast til sokkar innan ferien er over.
Eg tok også med tolv nøster med Drops babyalpaca silk, som skal strikkast om til tre-fire sjal. Planen er Little shells, men etter å ha lagt opp, strikka eit godt stykkje og så oppdaga at eg hadde gløymt aukingane på vrangsida på den eine halvdelen, mista eg litt piffen. Eg trur eg strikkar sokkane først, så får eg sjå etterpå om det vert endring i sjalplanane.
Då er det berre til å kvessa pinnane og varma opp strikkemusklane!
4 kommentarer:
Mor Aase Raggegarn er faktisk kjøpt inn etter god omtale hos Mimouna, og kjekt å høre at du og anbefaler det. Garnanbefalinger og garnAVbefalinger er allitid moro å høre om!
God sommer. Håper du får strikker masse :-)
Haha! "kvesse pinnene og varme opp strikkemusklene". Lenge leve fargerik norsk! :D
Sokkestrikking er en god plan - det skal jeg også i gang med men først skal jeg strikke opp mitt bomullsgarn - er ikek så glad for å strikk med bomull så nå skal det vekk i form av kluter, håndkleder ogsånt. Så blir det sokkestrikk igjen :) Skal merke meg garnnavne så jeg kan plukke opp litt neste gang jeg er i norge :)
Legg inn en kommentar