På grunn av den %!&#@ ryggen har eg god tid til å strikka fram til jul og då må eg jo bruka tida fornuftig. Fornuftig = sjølvutvikling = læra seg nye, avanserte ting. Først ut på lista var sokkar strikka frå tåa og opp - altså motsett veg av sånn som eg pleier å strikka.
Det første problemet eg møtte på var tåa. Bra start. Eg fekk ikkje til nokon av dei oppskriftene eg fann på nettet, så til slutt lagde eg mi eiga tå, faktisk. Eg gjorde motsett av slik eg pleier når eg strikkar den vanlege vegen. Dvs at eg la opp det talet masker eg pleier å sitja att med til slutt og auka i den takta eg vanlegvis feller. Vips, så hadde eg ei fin-fin tå.
Då var det berre rein plankekøyring fram til hælen. Heller ikkje der skjønte eg nokon av oppskriftene frå nettet. Alle hadde jo så alvorleg mange fleire masker enn det eg hadde på pinnane, og ikkje fekk eg til å endra på oppskriftene så dei passa til masketalet mitt heller. Men så kom eg over denne fantastiske oppskrifta. Med berre fire masker meir enn eg hadde gjekk det supert.
Etter hælen var det ribbestrikk (tre rett, ein vrang) i fleire meter før eg kunne fella av. Avfellinga skulle visa seg å vera eit lite problem også, for då eg felte av slik som eg vanlegvis gjer, så vart det altfor stramt og sokken gjekk ikkje over foten. Ut på leit på nettet igjen og eg kom over Jeny’s surprisingly stretchy bind-off. Og jammen vart eg overraska, du! Makan til avfelling har eg aldri prøvd før. Anbefalast på det varmaste til alt som ikkje bør vera for stramt (f.eks genserermer).
Sokk nummer to gjekk mykje lettare og før eg visste ordet av det (sånn omtrent to dagar seinare) hadde eg eit par.
Eg er overraska over kor lett det faktisk var. Dessutan er tå-opp ein perfekt måte å få brukt opp absolutt alt garnet utan å måtta tenkja på om ein går tom før tåa er ferdig. Som ein siste bonus, så tykkjer eg faktisk at det tok mykje kortare tid å strikka ferdig eit par denne vegen.
Det einaste eg er litt usikker på er passformen. Heng tå-opp sokkar like godt fast som sokkar strikka den vanlege vegen, eller sig dei meir på grunn av den lause avfellinga?
5 kommentarer:
tåopp er genialt når en først får teken på det. Husker det var mye styr med første sokken, men nå strikker jeg helst alle sokker den veien! Ha en flott uke :) Håper ryggen kommer seg, og at du nå iallfall ikke fryser på beina :)
Je har ingen erfaring med tå-opp-strikking, men nå er jo je veldig fornøyd med den oppskrifta je bruker også. Synes disse ble flotte! Ser ut som garnet er On-line :)
Kjempefine sokker!
Jeg har også strikket et par tå-opp i sommer.
Blir nok flere:)
Herlige farger på de sokkene!
Syns det enkleste måten ¨strikke tå opp sokker er med short row hæl og tå med magic cast on :)
http://knitty.com/ISSUEspring06/FEATmagiccaston.html
Ha en fin helg :)
Tå-opp, så gøy! Kjekt å få brukt opp alt garnet før man feller.
Sokkene ser kjempedeilige ut, får håpe de sitter godt fast på toppen, slik at de kan brukes masse. :)
Legg inn en kommentar