Ny grein

I tillegg til strikking og hekling har eg no fått auga opp for sying. Eg har omtrent ikkje teke i ei symaskin sidan eg tok symaskinsertifikatet i 6. klasse, så eg gjekk for eit enkelt og nyttig lite prosjekt.

Med litt hjelp frå husets erfarne syerske, fekk eg ferdig eit finfint papirlommeduketui. Mykje finare å ha i veska enn desse plastgreiene du kjøper lommedukane i.

Veldig fornøgd med resultatet og veldig stolt! Kanskje årets julegåver vert papirlommeduketui?

Mmmm …

… søte, gode villbringebær rett frå buska smakar perfekt.

#6

Blueberry waffle igjen, størrelse 39, 100 gram Perfect på pinne nummer 3.

Desse landar i julepakkehaugen. Det er kjekt å ha eit lite lager å ta av når desember nærmar seg.

#5

Nytt favorittmønster - Blueberry waffle. Så enkelt, men likevel så stilig.

100 gram eplegrøn Perfect på pinne nummer 3, størrelse 38. Grøn er ein av dei to yndlingsfargane mine, og denne grønfargen er berre heilt fantastisk.

Sommarferie

Ferie hjå besta må til for at det skal verta skikkeleg sommar.

#4

No går det fort i svingane.

136 gram Big Fabel på pinne nummer 3, størrelse 38. Ny vri med vrangbord både på leggen og oppå foten. Eigentleg merkar eg ikkje forskjell på glattstrikk og vrangbord oppå, men litt variasjon i strikkinga er kjekt.

Dessutan har eg fått meg ny favoritthæl:

Knallgod passform og enkel å strikka. Ingenting er betre enn det.

#3

3 down, 49 to go.

Standard sokkemønster igjen. 121 gram Ragg-strømpegarn frå Hjertegarn på pinne nr 3. Mjuke, tette og varme bursdagssokkar til besta.

#2

Ferdig med par nummer 2 av 52. Berre 50 igjen.

Sokkar frå Strikk til nøstebarn, størrelse 3-5 år. Brukte sånn omtrent 44 gram lilla Sildre frå Gjestal. Nydeleg farge, forresten. Ser nesten litt melert ut, men det kjem ikkje så godt fram på biletet.

Par nummer 3 er på pinnane, og eg håpar at sokkestrikkelysta tek seg litt opp framover, elles ser det dårleg ut for mine 52.

Kinajakke

Endeleg er strikkelysta tilbake. Det har resultert i ein jakke frå boka Myk Start. Veldig fornøgd med resultatet, garnet er herleg mjukt. Oppskrifta var ikkje alltid så grei å forstå, men det gjekk seg til til slutt.

Oppskrift: Kinajakke frå Myk Start
Garn: Drops merino extra fine, akkurat 150 gram
Pinnar: 3 mm rundpinne, 40 cm, til bolen og 3 mm strømpepinnar til armane
Størrelse: 0-3 månadar

Samlemani

Knappar er den nye dilla. Heldigvis tek dei ikkje like stor plass som alt garnet mitt. At dei tek mindre plass enn garn betyr jo berre at eg kan kjøpa desto meir knappar. Eg må ha vore ein hamster i mitt tidlegare liv.

Under er nokre av favorittane:

Smaken av sommar

Ingenting smakar så godt som solmodne jordbær rett frå hagen, og med mjølk og sukker på er det tidenes beste dessert.